Amorebieta-Real Sociedad B eta pilota Tolosatik, arratsaldean

Futbolarekin ekingo diote ETB1ek eta eitb.eus-en larunbateko kirol emankizunei. Amorebieta-Real Sociedad B partida izango da ikusgai 16:00etatik aurrera, Xabier Anduezaren, Juanan Larrañagaren eta Naxari Altunaren kontakizunarekin.

Jarraian, Tolosako Beotibar pilotalekuko jaialdia eskainiko da. Bertan, Lau eta Erdiko Txapelketako final hamaseirenetako bi norgehiagoka jokatuko dira: Olaetxea-Irribarria eta Arretxe II-Ezkurdia. Hirugarren partidan, Gorka-Tolosa eta Jaka-Urruzola bikoteak izango dira aurrez aurre. Josetxo Lizartza, Jokin Errasti eta Iban Bengoetxea izango dira esatariak.