Lehendakariari elkarrizketa
Urkulluk Ajuria Eneko ateak irekiko ditu 'Minuto a Minuto'n, gaur
EITB
Lehendakariak egun-eguneko gai politikoen inguruko gaiak aztertuko ditu eta bere alderik pertsonalena azalduko du.
Iñigo Urkullu lehendakaria izango dute gonbidatu gaur 'Minuto a Minuto' saioan, 22:30etik aurrera. Lehendakaria egun-eguneko gai politikoen inguruan arituko da Aintzane Bolinaga aurkezlearekin, eta platoan izango diren sei adituen galderei erantzungo die. Lehendakariari euren intereseko hainbat kontu galdetzeko aukera izango dute eitb.eus webgunearen erabiltzaileek ere.
Horrez gain, Urkulluren alderik pertsonal eta ezezagunena erakutsiko du asteazkeneko saioak. Izan ere, Lehendakariak Ajuria Eneko ateak irekiko dizkio Asier Sanchez kazetariari.
Elkarrizketaren ondoren, beste gai batzuk jorratzeko tartea eskainiko du 'Minuto a Minuto' saioak. Besteak beste, EAEko PPren egoeraz mintzatuko dira debatean Lourdes Perez, Iñaki Iriondo eta Iñaki Gonzalez kazetariekin.
'Minuto a Minuto' asteazkenetan izaten da ikusgai, 22:30ean hasita, ETB2n.