Kirol emanaldiak
Athletic-Real emakumezkoen derbia, 12:00etan, ETB1en
A.A.
EiTB
Bigarren B Mailako Real Sociedad B-Gernika eta Binakako Txapelketako Ezkurdia-Barriola / Artola-Albisu partida ere eskainiko dira, zuzenean.
Zuzeneko hiru kirol emanaldi eskainiko dituzte ETB1ek eta eitb.eus-ek, gaur.
Hasteko, 12:00etan, Emakumeen Ligako 11. jardunaldiari dagokion Athletic-Real Sociedad derbia izango da ikusgai. Naxari Altuna, Larraitz Lukas eta Sara Gandara zuzenean arituko dira Lezamatik.
Bigarren hitzordua 16:00etan izango dugu. Bigarren B Mailako Real Sociedad B-Gernika norgehiagokaren berri emango dute Naxari Altunak, Juanan Larrañagak eta Erik Hernandezek, Zubietatik.
Azkenik, 'ETB Kantxa' saioak Tolosako Beotibar pilotalekuko jaialdia eskainiko du, 18:00etatik aurrera. Bi partida jokatuko dira: Olaetxea-Apraiz / Tainta-Larunbe eta Ezkurdia-Barriola / Artola-Albisu. Bigarren hau Binakako Txapelketari dagokio. Josetxo Lizartza, Jokin Errasti eta Xabier Andueza izango dira esatariak.