Urte Berriko Berezia
'Down-Town. Navidad con Fundamento' Karlos Arguiñanorekin, gaur ETB2n
A.E. | EiTB
Urte Berrian, Patxi Salinas, David de Jorge, Maider Unda eta Elena Irureta izango dira gonbidatuak Karlos Arguiñanok, Iñigo Hermoso eta Urtzi Urrutiak antolatutako afarian.
Gaur, Urte Berri gauean, 22:00etatik aurrera, Karlos Arguiñano sukaldariak afari berezia prestatuko du ETB2n, 'Down-Town. Navidad con Fundamento' saio berezian.
Ondo inguratuta egongo da Karlos. Izan ere, bidaia-lagun onenak izango ditu alboan: Iñigo Hermoso eta Urtzi Urrutia. Urtea ondo hasteko afari berezia prestatuko dute hirurek eta Eeskal gizartean ezagunak diren pertsonaiak izango dituzte gonbidatu: Patxi Salinas futbolari ohia, David de Jorge sukaldaria, Maider Unda kirolaria eta Elena Irureta 'Eskamak Kentzen' telesaileko aktorea izango dira mahaian.
Esperientzia ahaztezin honetara guztioi gonbidapena luzaten dizuete Euskal Telebistak, Bainetek eta Traukok.