Zuzenean
Elgoibarko krosa eta Donostiako pilota jaialdia, gaur, EiTBen
A.A. | EiTB
Horrez gain, Emakumeen Saskibaloi Ligako partida, Errugbiko Ohorezko Mailako neurketa eta herri kirol emanaldia izango dira ETBn.
Kirol eskaintza betea dakarte ETBk eta eitb.eus-ek igande honetarako. Elgoibarko Juan Mugerza Krosa eta Donostiako Atano III.eneko pilota jaialdia zuzenean eskainiko dira. Horrez gain, goizean jokatutako Errugbiko Ohorezko Mailako partida eta bezperako Emakumeen Saskibaloi Ligako neurketaren laburpena eta aizkolarien Eusko Label Sariko lehia emango dira.
'Oreka' saioa 12:00etan hasiko da, bezperan Gernikan jokatutako Emakumeen Saskibaloi Ligako Gernika Bizkaia-CADI La Seu norgehiagokaren laburpenarekin, Asier Arangurenen eskutik. 12:30ean Elgoibarrera joko dute, Elgoibarko Juan Mugerza Krosa zuzenean eskaintzeko. Juanan Legorburuk eta Xabier Leibarrek egingo dute kontakizuna.
16:00etan, herri kirolen tartea zabalduko dute bezperan Lakuntzan jokatutako aizkolarien Binakako Eusko Label Sariko jardunaldia eskaintzeko. Ibon Gaztañazpik eta Joxe Etxebestek emango dute O Toole-Vicente / L. Azpilikueta-Otaegi norgehiagokaren berri.
17:00etan hasiko da pilota emankizuna Donostiako Atano III.etik, Xabier Euzkitzek, Joxan Tolosak eta Elena Azpeitiak gidatuta. Olaetxea-Apraiz / Arteaga II-Imaz neurketak zabalduko du norgehiagoka. Ondoren, Binakako Txapelketako Irujo-Rezusta / Altuna III-Merino II partida jokatuko da.
Emanaldi hauek guztiak ETB1ek eskainiko ditu.
ETB4n, berriz, Errugbiko Ohorezko Mailako Bizkaia Gernika-Getxo Artea neurketa eskainiko du, Jon Ander Gorosperen kontakizunarekin.
ntakizunarekin.