Kirol emanaldiak
Real Madril-Laboral Kutxa, zuzenean, ETB1en eta eitb.eus-en
EITB | A.H.
Horrez gain, Binakako Txapelketako zazpigarren jardunaldiko pilota partida eskainiko du 'Gure Bideoteka' tarteak.
Gaur arratsaldean, ETB1ek eta eitb.eus-ek zuzenean eskainiko dute Real Madril eta Laboral Kutxa taldeek jokatuko duten Euroligako partida. Txapelketa kontinentaleko TOP 16 faseko seigarren jardunaldiko norgehiagoka da, eta Madrilen jokatuko dute, 20:45etik aurrera. Asier Arangurenek eta Josean Aldalurrek egingo dute emanaldiaren kontakizuna.
Ondoren, 'Gure Bideoteka' tartea zabalduko dute, Eskuz Binakako Txapelketako zazpigarren jardunaldiko partida berreskuratzeko: Olaizola II-Urrutikoetxea / Ezkurdia-Barriola. Josetxo Lizartza, Jokin Errasti eta Xabier Andueza izango dira esatariak.
Bestalde, eitb.eus-ek Valentziako Erkidegoko Itzuliko 3. etapa eskainiko du 15:00etatik aurrera. Sagunto eta Alzira herrien arteko 173,5 kilometroko ibilbidea osatuko dute txirrindulariek gaur. Fermin Aramendi arduratuko da kontakizunaz.
ntakizunaz.