22:30ean
Javier Marotori elkarrizketa, gaur gauean, 'Minuto a Minuto'n
A.H. | EITB
Juan Carlos Etxeberriak Madrilen egiten ari diren negoziazioen inguruan eta bere alderdiaren barruko egoeraz galdetuko dio.
Argazkia: EFE
Javier Maroto Gasteizko alkate ohia 'Minuto a Minuto' saioko platoan izango da gaur gauean. Juan Carlos Etxeberriarekin izango duen hitzorduan, Gobernua eratzeko Madrilen egiten ari diren negoziazioen inguruan arituko da, eta abenduaren 20ko hauteskundeen ondoren bere alderdiak duen egoera aztertuko du.
Bestalde, 'Minuto a Minuto' saioko lantalde batek Aktoreen Batasuneko arduradunekin hitz egin du Madrilen, bi titiriteroen espetxeratzea dela eta. Mongolia eta El Jueves argitalpenetako ordezkariekin ere arituko dira gai horren inguruan.
Horrez gain, egun-eguneko gaien inguruko solasaldia egingo dute platoan Alberto Surio (El Diario Vasco), Eva Domaika (Cadena SER), Victor Goñi (Diario de Noticias) eta Martin Garitano (Gara) kazetariekin, Braulio Gomez soziologoarekin eta Pili Kaltzada idazle eta kazetariarekin.
'Minuto a Minuto' ostegunetan izaten da ikusgai, 22:30etik aurrera, ETB2n eta eitb.eus-en.
ta eitb.eus-en.