Ernesto Ekaizer kazetariari elkarrizketa, gaur, 'En Jake'n

Gaur, 'En Jake' saioan, Ernesto Ekaizer kazetaria elkarrizketatuko du Xabier Lapitzek, eta eguneko gaiak jorratuko dituzte. Solaserako mahaian, berriz, Fabio Gonzalez, Jon Iñarritu, Laura Garrido eta Alberto Surio izango dira.

Bestetik, 'En Jake' saioak Vitaldent konpainiaren aurkako polizia operazioa jarraituko du, euskal frankiziekin zer gertatuko den jakiteko, eta Eusko Jaurlaritzaren Soziometroari erreparatuko diote.

Azkenik, Pedro Sanchez Gobernua osatzeko alderdi politikoekin egiten ari den bileren nondik norakoak aztertuko dituzte.

'En Jake', astelehenetik ostiralera izaten da ikusgai, 11:45ean hasita, ETB2n eta online.

.