Gaur, 22:30ean
Riki eta Xabi pirañak estu hartuko dituzte 'El Conquis' debate saioan
Aurretik ikusi gabeko irudiak, tuit onenak, lehiakideen antzekotasunak eta beste hainbat kontu ere jasoko dituzte debatean, Patxi Alonsok aurkeztuta.
Beste bi piraña, Riki eta Xabi, izango dira gaur 'El Conquis' saioko protagonistak. Zaratamoko punkiak abentura utzi egin zuen bizkarreko minagatik eta saiotik alde egitean Juliani "paralisia" izatea opa zion, amore eman aurretik hark emandako egurragatik.
Xabi, bestalde, duelu oso susmagarri bat izan ondoren esan zion agur abenturari, izan ere, Andoaingo surferrak Migori ez irabazteko eginhalak egin zituen; edo, hala zirudien behintzat. Nola argudiatuko du Xabik hain jarrera susmagarria? Ikusiko dugu, bada, debate saioan.
Datorren atalaren aurrerapenak, esklusiban
Pirañez gain, datorren atalari dagozkion aurrerapenak ikusteko aukera ere izango dugu debatean. Batetik, abentura uzteko mehatxua egingo du Cesarrek; bestetik, bi lotailutatik ebakuntza egin beharko diotela aipatuko die kideei Ainarak, eta abentura bukatutzat eman beharko duela.
Bestalde, aurretik ikusi gabeko irudiak, tuit onenak, lehiakideen antzekotasunak eta beste hainbat kontu ere jasoko dituzte debatean, Patxi Alonsok aurkeztuta, eta aste honetan, honako hauek komentarista-lanetan direla: Gotzon, Isa, David Seco, Amaia, Julen Madina, Olatz eta Aitor Zabalo.
'El Conquis' asteazkenetan izaten da ikusgai, 22:30etatik aurrera, ETB2n eta eitb.eus-en.
us-en.