22:15ean, ETB2n
Cesar pirañekin ikustean Patxik izandako erreakzioa, 'El Conquis'en
Anakondek ez dakite venezuelarra pirañen taldeko kidea denik, eta horren berri izatean, Patxik izango duen erreakzioa ikustekoa izango da. Hori eta beste hainbat aurrerapen, gaur, 22:15ean.
Anakondak bolada txarra pasatzen ari dira 'El Conquistador del Amazonas' abenturan. Lehenik, Cesarren kanporatze traumatikoa, asanblearen erdi erdian, eta ondoren, Martintxo taldeko kide animatuenaren agur esatea. Taldekideen aldetik sei izendapen jasota, badirudi ermuarrari begiak ireki dituela, eta asteazkeneko debatea une aproposa izango da Patxi Salinas gidari duen taldearen sekretuak kontatzeko.
Datorren ataleko jokuaren eta dueluaren aurrerapenak
Datorren asteko atalean ikusiko dute berriz elkar Cesar eta haren taldekide ohiek. Berdeek, baina, ez dakite venezuelarra pirañen taldeko kidea denik, eta iheslaria arerioen taldean ikustean Patxik izango duen erreakzioa aurtengo edizioko une gogoangarrienetako bat izango da. Horretaz gain, datorren asteko beste aurrerapen gehiago ere ikusiko ditugu debatean, esaterako, immunitate jokoa eta dueluaren nondik norakoak, Gotzon Mantulizen eskutik.
Halaber, asteko tuit onena ere aukeratuko dute debatean bertan, eta webguneko lehiaketa nork irabazi duen esateaz gain, galdera honen emaitza zein izan den ere emango dute ezagutzera: Cesar taldez aldatzea anakondei traizio egitea izan da?
Patxi Alonsok gidatuta, Gotzon Mantuliz, Isa Landa, Arantza Garzes, Eneko Van Horenbeke, David Seco, Egoitz Txurruka "Txurru" eta Olatz eta Nuri lehiakide ohiak izango dira ‘El Conquis’ debatean, gaur, 22:15etik aurrera, ETB2n eta eitb.eus-en.
eus-en. eus-en.