LABeko Ainhoa Etxaideri elkarrizketa, ostiralean, 'En Jake'n

Gaur, Blanca Saezek Ainhoa Etxaide LABeko idazkari nagusia elkarrizketatuko du ETB2ko 'En Jake' saioan. Besteak beste, Euskadik gaur egun duen egoera ekonomikoa, maiatzaren 1erako aurreikusita dauden mobilizazioak eta ArcelorMittalek Zumarragan duen fabrikako langileen egoera aztertuko dituzte hitzorduan zehar.

Bestalde, Monica Terribas Catalunya Radio irratiko kazetariarekin bat egingo du 'En Jake'k, Bartzelonatik zuzenean, Soraya Saenz de Santamaria eta Oriol Junquerasen arteko bileraren azken ordukoen berri jasotzeko. Gainera, Ciudadanoseko Susana Gaspar diputatuarekin bat egingo dute, Madrildik zuzenean.

Horrez gain, Jon Urresti Gizaker etxeko soziologoa izango dute saioan, eta 'EiTB Focus' inkestaren azkeneko datuak komentatuko dituzte, hiritarrek aurreko hauteskundeetan emandako botoa errepikatuko duten edo ez aztertzeko. Blanca Saezek Iñaki Anasagasti, Ibon Rodriguez, Natalia Rojo eta Josean Izarra solaskideak izango ditu platoan mahaiaren inguruan.

'En Jake' astelehenetik ostiralera izaten da ikusgai, 11:45etik aurrera, eitb.eus-en eta ETB2n.

ETB2n.