Kirolak zuzenean
Eskubaloia, txirrindularitza eta pilota, gaur, ETBn
A.A. | EiTB
Emakumeen Ligako Prosetecnisa Zuazo Barakaldo-Porriño partida, Italiako Giroko 3. etapa eta Mendizaba III-Tainta Promozio Txapelketako finalerdia izango dira ikusgai.
Kirol eskaintza betea dakarte ETB1ek eta eitb.eus-ek gaur. Hiru emanaldi eskainiko dira zuzenean.
Hasteko, 'Oreka' saioaren barruan, 12:15ean, Prosetecnisa Zuazo Barakaldo-Porriño eskubaloi partida izango da ikusgai. Jon Ander Gorospe, Martin Larrañaga eta Sara Gandara arduratuko dira Emakumeen Ligako 23. jardunaldiko partidaren kontakizunaz.
15:00etan Italiako Giroarekin bat egingo dute. 190 kilometro izango dituen Nijmegen eta Arnhem artean jokatuko den 3. etaparen azken kilometroen nondik norakoak ekarriko dizkigute Fermin Aramendik eta Xabier Usabiagak.
Txirrindularitza amaitutakoan, 17:15ean, 'ETB Kantxa' saioa hasiko da, Bergarako pilotalekutik. Atariko partidan, Mendizabal III eta Tainta izango dira aurrez aurre Promozio Txapelketako finalerdian. Ondoren, binakako bi neurketa jokatuko dira: J. Retegi-Rezusta / Ezkurdia-Zubieta eta Jaka-Erostarbe / Elordi-Martija. Xabier Euzkitze, Joxan Tolosa eta Elena Azpeitia izango dira esatariak.
Bestalde, goizeko 11:00etan herri kirolen tartea zabalduko dute, bezperan Getarian jokatutako aizkolarien banakako Eusko Label Sariko jardunaldia eskaintzeko. Ibon Gaztañazpi eta Joxe Etxebestek emango digute bertako berri.
Amaitzeko, 12:00etan, ETB4n eta eitb.eus-en, Urriza-Zubiri / Ezkurra II-Barrenetxea IV erremonte partida izango da ikusgai Iñigo Aiestaranen eta Manuel Arrizabalaga 'Matxin'en kontakizunarekin.