Kirolak zuzenean
Suitzako Itzuliko 8. etapa eta pilota Iruñetik gaur, eitb.eus eta ETBn
A.A. | EiTB
Bakaikoa-Erasun / Peña-Mariezkurrena eta Berasaluze II-Larunbe / Laso-Beroiz pilota partidak eskainiko dira Iruñeko Labrit pilotalekutik.
Zuzeneko bi kirol emanaldi izango dira gaur arratsaldean ETB1en eta eitb.eus-en.
15:50etik aurrera Suitzako Itzuliko 8. etapa eskainiko da, Davos hirian jokatuko den 16,8 kilometroko erlojupekoa. Fermin Aramendik eta Xabier Usabiagak egingo dute kontakizuna.
Txirrindularitza amaitutakoan, Iruñeko Labrit pilotalekuarekin bat egingo dute. Lehendabizi, afizionatu mailako torneoko finalerdiak jokatuko dute Bakaikoa-Erasun eta Peña-Mariezkurrena bikoteek. Ondoren, Berasaluze II-Larunbe eta Laso-Beroiz izango dira aurrez aurre. Josetxo Lizartza, Jokin Errasti eta Xabier Andueza izango dira esatariak.
Bestalde, 12:00etan, ETB4n eta eitb.eus-en afizionatu mailako Durangoko torneoko finalak izango dira ikusgai. Iker Zabala eta Felix Ispilla arduratuko dira kontakizunaz.