Huesca-Athletic denboraldi-aurreko partida, ETB1en eta eitb.eus-en

Gaur arratsaldean, Huesca-Athletic denboraldi-aurreko partida eskainiko du Euskal Telebistak 19:00etatik aurrera, zuzenean. Joseba Urkiolak eta Juanan Larrañagak egingo dute emanaldiaren kontakizuna ETB1en eta eitb.eus-en.

Horrez gain, Frantziako Tourraren hamazazpigarren etaparekin bat egingo dute, zuzenean, ETB1ek eta eitb.eus-ek. Berne eta Finhaut-Emosson bitarteko 184,5 kilometroko etapa gogorra izango da. Etaparen azken aldera bi mendate nabarmenduko dira: lehenengo mailako Col de la Forclaz (13 km eta % 7,9ko igoera) eta maila bereziko igoera (10,4 km eta % 8,4ko igoera) Finhaut-Emossonera, ia 2.000 metroko altuerara.

Fermin Aramendik, Xabier Usabiagak eta Pedro Mari Goikoetxeak egingo dute emanaldiaren gaineko kontakizuna, 15:00etatik aurrera, ETB1en eta eitb.eus-en.