Kirol emanaldiak
Zarauzko pilota txapelketako finala, gaur, ETB1en eta eitb.eus-en
A.H. | EITB
San Miguel Ligako Caixabank bandera ere, zuzenean eskainiko dute 12:00etatik aurrera.
ETB1 eta eitb.eus-ek zuzenean eskainiko dute, gaur, Zarauzko Saria pilota txapelketako finala. 17:00etan, Elezkano II-Tolosa eta Artola-Aretxabaleta bikoteek jokatuko dute atariko partida, eta finalaren emanaldiaren ostean, Arteaga II-Imaz eta Ugalde-Cecilio bikoteek jokatuko dute jardunaldiko hirugarren norgehiagoka. Xabier Euzkitze, Josean Tolosa eta Elena Azpeitia izango dira emanaldiaren arduradunak.
Goizean, estropaden txanda izango da. ETB1ek eta eitb.eus-ek Castrotik zuzenean eskainiko dute CaixaBank Bandera, eta Mikel Olazabal, Ibon Gaztañazpi eta Sara Gandara esatariek emango dute San Miguel Ligako estropaden berri, 12:00etatik aurrera.
Ordu berean, ETB4n, Binakako Zesta-punta Txapelketako final-laurdenetako partidak izango dira ikusgai. Hasteko, Egiguren-Enbil eta Hormaetxea-Amigorena bikoteen arteko norgehiagoka eskainiko dute, eta Goikoetxea-Etcheto eta Barandika-Txasio bikoteen artekoa, ondoren. Iñigo Aiestaran eta Iñigo Gorostola egingo dute emanaldiaren kontakizuna.
Horrez gain, 16:00etan, Donostian jokatutako Aizkolarien Urrezko Kopa txapelketa eskainiko du ETB1ek, eta 20:00etan, arratsaldean izandako zaldi lasterketen Euskadi-Basque Country sariaren laburpena eskainiko du.