Kirolak zuzenean
Donostiako Banderaren 2. jardunaldia, 10:45etik aurrera, zuzenean
A.A.
Hondarribiko pilota jaialdia eta artzain txakurren Amaiur Saria ere eskainiko dira ETB1en eta eitb.eus-en.
Estropadak izango dira igandeko kirol hitzordu nagusietako bat ETB1en eta eitb.eus-en. Donostiako Banderan 2. jardunaldiaren zuzeneko emanaldia 10:45ean hasiko da. Emakumezko traineruak lehiatuko dira lehendabizi eta gizonezkoak ondoren.
Bigarren hitzordu nagusia pilota izango da. 'ETB Kantxa' saioak Hondarribiko jaialdia eskainiko du 17:00etatik aurrera. Bi partida jokatuko dira: Arretxe II-L. Galartza / Arteaga II-Imaz eta Olaizola II-Beroiz / Bengoetxea VI-Albisu.
Pilotaren aurretik, 15:00etan, herri kirolen tartea zabalduko dute artzain txakurren Amaiur Saria eskaintzeko eta jarraian, bezperako Erremonteko Buruz Buruko Txapelketa, Urriza-Barrenetxea IV.
Bestalde, ETB4n bi emanaldi izango dira: 14:00etan, Zesta Puntako Binakako Txapelketako ¾ posturako partida izango da ikusgai: Beaskoetxea-Aldazabal / Erik-Lekerika. Eta 19:30ean, Donostiako Banderaren irabazleari egingo zaion omenaldia eskainiko da zuzenean. Bi emanaldi hauek ere eitb.eus bidez jarraitzeko aukera izango da.
kera izango da.kera izango da.kera izango da.