ETB1 eta eitb.eus
Bermeoko Ikurrina eta Real Union-Amorebieta, arratsaldean, zuzenean
A.A. | EiTB
Lur gaineko Munduko Sokatira Txapelketa eta Zesta Puntako Buruz Buruko Txapelketako finala ere eskainiko dira.
Your browser doesn’t support HTML5 video
Estropadek, futbolak, sokatirak eta zesta puntak osatuko dute larunbat honetako ETBren kirol eskaintza. Ohi denez, emanaldi guztiak eitb.eus-en ere jarraitu ahal izango dira.
16:00etan Bigarren B Mailako Real Union-Amorebieta partida izango da ikusgai, Naxari Altunaren eta Juanan Larrañagaren kontakizunarekin.
Jarraian, estropaden tartea zabalduko dute, San Miguel Ligako azken aurreko proba eskaintzeko: Bermeoko Ikurrina. Aurretik, playoff-etako lehen jardunaldia jokatuko da. Mikel Olazabal, Ibon Gaztañazpi eta Sara Gandara izango dira esatariak.
19:40ean, lur gaineko Munduko Sokatira Txapelketaren berri emango du Juan de la Vegak.
Azkenik, 21:00etan, arratsaldean jokatutako Zesta Puntako Buruz Buruko Txapelketako finalaren emanaldia osatuko dute Iñigo Aiestaranek eta Ibai Erkiagak. Goikoetxea eta Olharan izango dira aurrez aurre Bilboko Bizkaia pilotalekuan.
a pilotalekuan.