Audientzia
'Lasa eta Zabala', audientzia-buru astearte gauean
A.H. | EITB
Filmaren emanaldiak %17ko audientzia zatia eta 342.000 ikus-entuzleko audientzia metatua lortu zuen.
Astearteko 'La Noche de...'k Lasa eta Zabala filma estreinatu zuen ETB2n. Bai pelikularen emanaldia, baita 'LND' saioa ere, audientzia-buru izan ziren bere ordu tartean.
Joxi Zabala eta Joxean Lasa gazteen tortura eta hilketa kasuan oinarritutako pelikula aurkeztu zuen Felix Linaresek 'LND'n eta Pablo Malok zuzendutako filmaren datu guztiak eman zituen. Saioak %13ko audientzia zatia eta 248.000 ikus-entzuleko audientzia metatua lortu zituen Euskadin eta eragin eremuan.
Filmaren emanaldiak, bere aldetik, programaren datua gainditu zuen, %17,3ko audientzia zatia bereganatuz. Azkeneko bi urteetan 'LND'k eskainitako pelikularik ikusiena izan zen; 342.000 ikus-entzuleko audientzia metatua lortu zuen Euskadin eta eragin eremuan.
eragin eremuan.