Aktualitatea
Margarita Roblesi elkarrizketa, gaur, 'La Noche en Jake' saioan
A.H. | EITB
Arantza Ruizek diputatu sozialista eta Auzitegi Goreneko magistratu ohia elkarrizketatuko du, PSOEren barruko iritzi ezberdinak jasotzeko.
Gaur gauean, Margarita Robles diputatu sozialista eta Auzitegi Goreneko magistratu ohia elkarrizketatuko dute 'La Noche en Jake' saioan. Rajoyren inbestiduraren aurrean PSOE barruan dauden jarrera ezberdinak aztertu nahi ditu Arantza Ruizek aurkezten duen saioak.
Horrez gain, euskal alderdi politiko ezberdinetako ordezkariak eta kazetari adituak izango dira saioan, egungo egoera politikoaren inguruko solasaldian.
Egun-eguneko beste gai batzuk ere jorratuko ditu ostiraleko saioak: besteak beste, Francisco Correak epailearen aurrean esandakoak eta Eusko Jaurlaritza berriaren eraketa.
'La Noche en Jake' ostiral honetan izango da ikusgai, 22:15etik aurrera, eitb.eus-en eta ETB2n.