Gaur
4 ½-ko txapelketako Bengoetxea VI-Ezkurdia, ETB1en eta eitb.eus-en
A.A. | EiTB
Iruñeko pilota jaialdiaren aurretik, Bigarren B Mailako Real Sociedad B-Zamudio norgehiagoka eskainiko da.
Pilota, Ezkurdia
Lau T'erdiko Txapelketaren barruan, norgehiagoka erabakigarria jokatuko dute Oinatz Bengoetxeak eta Joseba Ezkurdiak larunbatean Iruñeko Labrit pilotalekuan, garaipena eskuratzen duenak finalerdietarako txartela eskuratuko baitu. ETB1ek eta eitb.eus-en zuzenean eskainiko dute partida, gaur, 18:00etatik aurrera.
Jaialdi berean, promozio mailako txapelketako bi neurketa jokatuko dira: Jaka-Laso eta Dario-Peña II. Josetxo Lizartza, Jokin Errasti eta Xabier Andueza arduratuko dira kontakizunaz.
'ETB Kantxa' saioaren aurretik, 16:00etan, Real Sociedad B-Zamudio partidaren berri emango dute Naxari Altunak, Juanan Larrañagak eta Xabier Ormazabalek.