Kirolak,nean
Jaka-Dario Lau T'erdiko Promozioko finala, 17:00etatik aurrera, EiTBn
A.A. | EiTB
Esku pilotaz gain, futbola, erremontea, eskubaloia eta herri kirolak izango dira ikusgai ETBn eta eitb.eus-en.
ETB1ek eta eitb.eus-ek zuzenean eskainiko dute gaur Logroñoko Adarraga pilotalekuan jokatuko den Lau T'erdiko Txapelketako finala. Jaka eta Darioren arteko norgehiagokaren aurretik Ezkurdia-Larunbe eta Victor-Merino II bikoteak neurtuko dira, eta ondoren, beste bi bikote: Gorka-Erostarbe eta Arteaga II-Apraiz. Jaialdia 17:00etan hasiko da, eta Xabier Euzkitzek, Joxan Tolosak eta Elena Azpeitiak egingo dute kontakizuna.
Pilotaren aurretik, herri kirolen tartea zabalduko dute ETB1ek eta eitb.eus-ek, goizean Tolosan jokatutako aizkora-korrika apustua eskaintzeko: Xabier Orbegozo Arria VI.a, Julen Kañamares eta Arkaitz Jauregi bikotearen aurka lehiatuko da. Ibon Gaztañazpik eta Joxe Etxebestek emango dute bertan gertatutakoaren berri.
Goizean, hiru emanaldi egingo dira. Batetik, ETB1en, 12:00etan, Emakumeen Futbol Ligako Real Sociedad-Betis partidaren berri emango dute Naxari Altunak eta Larraitz Lukasek; jarraian, emakumeen eskubaloiko Challenge Cup-eko Prosetecnisa Zuazo Barakaldo-H65 Hoors HK neurketaren laburpena egingo du Xabier Ormazabalek. Bestetik, ETB4n, 12:00etan, bi erremonte partida eskainiko dira: Binakako Txapelketako Urriza-Zubiri / Ezkurra II-Ion eta Barricart-Barrenetxea IV / Segurola-Aizpuru III. Iñigo Aiestaran izango da esataria, Manuel Arrizabalaga Matxin lagun duela.
Hiru emanaldi hauek ere eitb.eus-en zuzenean jarraitu ahal izango dira.
zango dira. zango dira.