Gerediaga elkarteko Nerea Mujikarekin, gaur, 'Egun On Euskadi'n

A.H. | EITB

Azken eguneratzea: 2016/12/02 00:00 (UTC+1)

Durangoko 51. Azoka izango dute hizpide nagusi elkarrizketan.

Gaur, Estepan Aldamiz-Etxebarriak Nerea Mujika Gerediaga elkarteko presidentea elkarrizketatuko du ETB1eko 'Egun On Euskadi' albistegian. Durangoko Azokak aurten izango duen eskaintza zabala aztertuko du berarekin.

Horrez gain, Mikel Aramendi, Edurne Egaña eta Felix Iriarte solaskideek elkarrizketan esandakoak eta egun-eguneko gaiak aztertuko dituzte solasaldirako mahaiaren inguruan.

'Egun On Euskadi' egunero izaten da ikusgai, 09:00etatik aurrera, ETB1en.