Kirolak, zuzenean
Futbola, erremontea eta pilota, gaur, zuzenean, EiTBn
A.A. | EiTB
Toledo-Bilbao Athletic, Uterga-Endika / Ezkurra II-Ion eta Bengoetxea VI-Larunbe / Ezkurdia-Merino II partidak eskainiko dira ETBn eta eitb.eus-en.
Oinatz Bengoetxea
Gaur arratsaldean zuzeneko hiru kirol emanaldi izango dira ETBn eta eitb.eus-en.
Futbolarekin hasiko dira, 16:00etan. Bigarren B Mailako Toledo-Bilbao Athletic norgehiagokaren berri emango dute Naxari Altunak eta Juanan Larrañagak ETB1en.
17:00etan, ETB4n, Hernaniko Galarreta pilotalekuan jokatuko den Binakako Erremonte Txapelketako finala izango da ikusgai: Uterga-Endika / Ezkurra II- Ion. Iñigo Aiestaranek eta Manuel Arrizabalaga Matxinek egingo dute kontakizuna.
18:00etan, ohi denez, pilotaren txanda izango da. Iruñeko Labriteko jaialdia eskainiko du 'ETB Kantxa' saioak. Bi partida jokatuko dira: Laso-Ibai Zabala / Peña II-Apraiz eta Bengoetxea VI-Larunbe / Ezkurdia-Merino II (Binakako Txapelketakoa). Josetxo Lizartza, Jokin Errasti eta Xabier Andueza izango dira esatariak.
Bestalde, goizean, 12:00etan, ETB4n, afizionatu mailako El Corte Ingles Torneoko finalen berri emango dute Iñigo Aiestaranek eta Enrique Agirrebeitiak.
rrebeitiak.