Kanpezun izango da gaurko 'Udazken Loreak'

Ostegun honetan, Kanpezura joango da 'Udazken Loreak', trufa mundua ezagutzeko asmoz. Horretarako, Ibernaloren bila ibiliko dira, bera omen da trufetan aditua. Jon, Pato, Edu, Inaxio eta Aitor txirrindulariekin topatuko dira, txirringa bat utziko diete eta Iber aurkitzen lagunduko diete. Mendi bizikletaz buelta bat ematen doazen bitartean, eta Iberren bila mendian dabiltzala, perretxikoak biltzeko aprobetxatuko du bizikletari koadrilak. Azkenean Iber eta bere txakurrarekin topo egingo dute eta trufa bila joango dira.

Anjel Alkain, bitartean, Gasteizko Zaldiaran jatetxean izango da, bertako sukaldeko buru den Patxi Eceziarekin. Trufen saioa izanik, trufekin prestatutako plater bat egingo dute, baita usoa perretxikoekin ere.

'Udazken Loreak' gaur emitituko da 22:15etik aurrera eitb.eus-en ETB1en.