Programa berezia
'El destino de Júpiter' filmaren estreinaldia, 'LND' saioan
A.H. | EITB
Gainera, Hollywoodeko aktore eta pertsonaia ezagunek Gabonak nola ospatuko dituzten azalduko du.
'LND' saioak programa berezia eskainiko du, gaur, eta El destino de Júpiter filma estreinatuko du telebistan. Familia osoarentzako film futurista da, Wachowski ahizpek zuzendutakoa, eta filmeko eszena garrantzitsu bat Bilbon grabatu zuten. Eszena hori nola eta non grabatu zen azalduko du saioak, eta, horrez gain, Bizkaiko hiriburuan filmatu diren beste hainbat pelikularen errepasoa egingo du.
'LND'k, gainera, El destino de Jupiter pelikularen eta aktore zerrendaren datu guztiak emango ditu, eta Mila Kunis aktore protagonistaren gaineko erreportaje berezia eskainiko du. Milak Hollywoodeko matxismoaren kontra egindako borroka eta aktore ezagun batekin izandako zortzi urteko harremana azalduko ditu, besteak beste.
Halaber, Gabonak hizpide hartuta, Hollywoodeko izarrek egun hauetan egiten dituzten ospakizun bitxiak aztertuko ditu saioak. Star Wars-en gabon- kanta ezagutuko dute, eta Lady Gagaren Gabonetako apaingarri bitxiak erakutsiko dituzte.
'La Noche de... El destino de Júpiter' gaur honetan izango da ikusgai, 22:30etik aurrera, eitb.eus-en eta ETB2n.