Josu Erkorekari elkarrizketa, gaur eguerdian, 'En Jake' saioan

Gaur eguerdian, Xabier Lapitzek Josu Erkoreka Eusko Jaurlaritzako bozeramailea elkarrizketatuko du "En Jake" ETB2ko saioan. Egun-eguneko politika-gaiak izango dituzte mintzagai, eta azken helegiteen ondoren Eusko Jaurlaritzaren eta Espainiako gobernuaren arteko harremana nola dagoen aztertuko dute.

Gainera, saioak hurbiletik jarraituko du Grezian atxilotutako bi ekintzaileen egoeraren azken ordua; auto-karabana batean zortzi pertsona errefuxiatu garraiatzen ari zirela harrapatu dituzte. Bestalde, terrorismo jihadistari gorazarre egitea egotzita Madrilen atxilotutako bi lagunen inguruan ere arituko dira, eta Gabon zahar gauean Madrilgo Puerta del Sol plazan egongo den jendetzarekin hartu beharreko segurtasun neurriak izango dituzte hizpide.

Eztabaida mahaian izango dituzte Eider Hurtado, Ibon Rodriguez, Braulio Gomez eta Ana Morales tertuliakideak.

"En Jake" astelehenetik ostiralera izaten da ikusgai, 12:05etik aurrera, ETB2n eta eitb.eus-en.

s-en.