Kirolak zuzenean
Arenas-Bilbao Athletic eta pilota Iruñetik, gaur, EiTBn
A.A. | EiTB
Bi kirol emanaldiak ETB1en eta eitb.eus-en jarraitu ahal izango dira, 16:00etatik aurrera.
Larunbatero legez, futbolarekin ekingo diete kirol emanaldiei ETB1en eta eitb.eus-en. Arenas eta Bilbao Athletic taldeen arteko partidaren kontakizuna egingo dute Naxari Altunak, Juanan Larrañagak eta Xabier Ormazabalek, 16:00etatik aurrera.
Futbola amaitutakoan, pilotak hartuko du lekukoa. 'ETB Kantxa' saioa Iruñeko Labrit pilotalekutik eskainiko da. Txapelketako bi partida jokatuko dira: Irribarria-Rezusta / Elezkano II-Zabaleta eta Dario-Irusta / Peña II-I. Zabala. Josetxo Lizartza, Jokin Errasti eta Xabier Andueza izango dira esatariak.
tariak.