'La Esclava Blanca' telesailaren estreinaldia, gaur, ETB2n

Euskal Telebistak 'La Esclava Blanca' ekoizpen ikusgarria estreinatuko du gaur gauean. Maitasuna eta esklabutza hizpide hartzen dituen istorio hunkigarria da eta XIX. mende hasieran, Kolonbiako Karibe aldeko kolonietan girotuta dago. Paraje natural ikusgarrietan filmatuta, Victoriaren istorioa azaltzen du telesailak. Denen ustez merkatari ospetsu batekin ezkontzeko Amerikara heldu berri den Espainiako markesa bat da, baina bere benetako istorioa oso ezberdina da.

Jaioberria zela, bere gurasoak hil zituzten eta haien etxean lan egiten zuen emakume beltz batek sugarren artetik umea atera eta oihanean barrena eraman zuen, esklabo iheslari talde batekin bizitzera. Bertan hezi eta hazi zen Victoria, familia berri batekin eta Afrikako espiritualtasuna propio eginez. Miguel gaztearekin maitemindu zen eta libre eta zoriontsu bizi zen.

Hala ere, emakume txuri bat esklabo beltzen artean ez zuen etorkizun oparorik izango, eta laster, bere familiarengandik banandu eta Espainiara bidali zuten, klausura komentu batera. Bertan, ezagutzen ez zuen jainko bati otoitz egitera behartu zuten eta goi mailako dama finen jokamoldeak ikasi zituen.

Espainiatik ihes egitea lortzen duenean, Santa Martara itzultzen da. Espainiako markesa aberats baten azalean, Nicolas Parreño merkatari esklabistarekin ezkontzera iritsiko da Kolonbiara, bere senargaiak sekretu ilun bat duela jakinda: berak hil zituen Victoriaren gurasoak.

Inork ez du jakingo markesa fin eta elegantearen benetako asmoak zeintzuk diren: alde batetik, bere familia beltza askatzea, eta bestetik, bere gurasoen heriotzagatik mendekua hartzea. Victoria eta Miguel, berriz ere elkarrekin, lurraldeko esklaboak askatzeko eta Nicolasen maltzurkeriak agerian usteko ahaleginak egingo dituzte, arrisku handiei aurre eginez. Guzti hori, elkarrekin eta katerik gabe bizitzeko helburua lortzeko asmoarekin.

'La Esclava Blanca' gaur izango da ikusgai ETB2n, 22:00etatik aurrera.

g>