Kirolak zuzenean
Futbola eta pilota, gaur, zuzenean, ETB1en eta eitb.eus-en
A.A. | EiTB
Victor-Imaz / Artola-Ladis Galarza eta Olaizola II-Untoria / Bengoetxea VI-Larunbe partidak izango dira ikusgai.
Zuzeneko hiru kirol emanaldi izango dira larunbat honetan ETB1en eta eitb.eus-en.
Emakumeen Futbol Ligako Oiartzun-Athletic partidarekin hasiko dira, 12:00etan. Naxari Altunak, Larraitz Lukasek eta Xabier Ormazabalek egingo dute kontakizuna.
16:00etan, Bigarren B Mailako futbolari egingo diote tartea, Real Union-Toledo neurketa eskaintzeko. Naxari Altuna, Juanan Larrañaga eta Xabier Ormazabal izango dira esatariak.
Futbolak pilotari pasako dio lekukoa, 18:00etan. Iruñeko Labrit pilotalekutik eskainiko da 'ETB Kantxa' saioa. Bertan Binakako Txapelketako finalerdietako norgehiagoka jokatuko dute Olaizola II-Untoriak eta Bengoetxea VI-Larunbek. Atariko partidan Victor-Imaz eta Artola-Ladis Galarza izango dira aurrez aurre. Josetxo Lizartza, Jokin Errasti eta Xabier Andueza izango ditugu berriemaile.
Goizean, 12:00etan, ETB4n eta eitb.eus-en afizionatu mailako pilotaren leihoa zabalduko dute Euskal Ligako finalak eskaintzeko. Iñigo Aiestaran izango da emanaldiaren arduraduna.