00:10ean
Francisco Vargas-Orlando Salido, gaur gaueko 'Boxeo Izarrak' saioan
EITB
Horrez gain, Mairis Briedis-Simon Vallily eta Conor Benn-Backhouse borrokaldiak ere eskainiko dituzte.
Gaurko 'Boxeo Izarrak' 2016. urtean zehar izandako borrokaldirik onena eskainiko du: Francisco 'Bandido' Vargas eta Orlando 'Siri' Salido mexikarren artekoa, hain zuzen ere. Vargasek ez du oraingoz neurketarik galdu; Orlando Salido, berriz, zazpi aldiz izan da munduko txapeldun eta boxeolaririk onenen aurka neurtu ditu indarrak.
Norgehiagoka horren ondoren, kruzero pisuko borrokaldi bat eskainiko du saioak. Mairis Briedis eta Simon Vallily izango dira protagonistak. Briedis letoniarrak egindako 20 borrokaldiak irabazi ditu. Bukatzeko, Conor Benn eta Steven Backhouse boxeolarien arteko neurketa eskainiko dute.
'Boxeo Izarrak' ostiraletan izaten da ikusgai, 00:10etik aurrera, ETB1en.
TB1en.