Pilota zuzenean
Soriako pilota jaialdia, gaur, zuzenean, ETB1en eta eitb.eus-en
A.A. | EiTB
Goizean, erremonteko Sagardoaren Txapelketako partida izango da ikusgai.
Soriako La Juventud kiroldegitik egingo du pilota emanaldia Euskal Telebistak Ostiral Santu egunez. 17:00etan hasiko da jaialdia Buruz Buruko Txapelketako final hamaseirenetako partidarekin, Victor-Untoria. Ondoren, Bengoetxea VI-Imaz eta Urrutikoetxea-Beroiz bikoteak izango dira aurrez aurre. Xabier Euzkitze, Joxan Tolosa eta Elena Azpeitia izango ditugu berriemaile ETB1en eta eitb.eus-en.
Goizean, 12:00etan, erremonteko Sagardoaren Txapelketako Ansa II-Endika / Segurola-Zubiri norgehiagoka izango da ikusgai ETB4n eta eitb.eus-en. Iñigo Aiestaranek eta Manuel Arrizabalaga Matxin-ek egingo dute larunbatean Hernaniko Galarretan jokatutako partidaren kontakizuna.
/p>