Pilota zuzenean
Pilotako Buruz Buruko Txapelketako partidak Iruñetik, gaur
A.A. | EiTB
Futbolari dagokionez, bigarren B mailako Arenas-Real Sociedad B partida ere ikusgai izango dira ETB1en eta eitb.eus-en.
Larunbat honetako 'ETB Kantxa' saioak Iruñeko Labrit pilotalekuko jaialdia eskainiko du 18:00etatik aurrera.
Bertan, Buruz Buruko Txapelketako hiru partida jokatuko dira: lehen mailako bat, Albisu-Laso, eta promozioko bi, Tainta-Erostarbe eta Ugalde-Peña II. Emanaldia ETB1en eta eitb.eus-en izango da ikusgai Josetxo Lizartza, Jokin Errasti eta Xabier Anduezaren kontakizunarekin.
16:00etan, Bigarren B Mailako futbolaren tartean, Arenas-Real Sociedad B norgehiagokaren berri emango dute Naxari Altunak, Juanan Larrañagak eta Xabier Ormazabalek.