Zinema ETB2n
'El Codigo Da Vinci' pelikula, gaur gauean, 'El Superhit' saioaren baitan
eitb.eus
Erredakzioa
'The Da Vinci Code' Dan Brownek idatzitako liburuak lortutako arrakastaren haritik egin zuten pelikula. 22:15ak aldera izango da ikusgai gaur ETB2n.
El Codigo Da Vinci (The Da Vinci Code) pelikula eskainiko du gaur gauean, 22:15etik aurrera, Euskal Telebistaren bigarren kateak.
Ron Howard zinema zuzendariaren misteriozko thriller filma da El Codigo Da Vinci (2006). Dan Brown idazlearen eleberrian dago oinarritua, eta Tom Hanks, Audrey Tautou, Ian McKellen, Alfred Molina, Jürgen Prochnow, Paul Bettany eta Jean Reno aktoreak dira pelikularen protagonistak.
Gau batez, Harvard Unibertsitateko Robert Langdon (Tom Hanks) katedradun ospetsuak Parisko Louvre museoan du hitzordua. Hara iritsitakoan bertako zaharberritzailea hilda topatuko du, eta poliziak erailketaren susmagarri nagusitzat hartuko du Langdon.
El Codigo Da Vinci filma gaur izango da ikusgai ETB2n, 22:15etik aurrera. Ezin duzu galdu!