San Candido/Innichen eta Piancavalloren arteko Giroaren 19. etapa, zuzenean

Italiako Giroaren 19. etapa jokatuko da gaur San Candido/Inninchen eta Piancavelloren artean, eta ETBk eta eitb.eus-ek 13:00etatik aurrera egingo dute bat zuzenean lasterketarekin. Goi-mendiko jardunaldi honek mendi-gainak eta lautadak tartekatuko ditu, eta amaiera gain batean izango du.

Lasterketa, ohi denez, ETB1en hasi eta amaituko da, baina 'Gaur Egun' dagoen bitartean ETB4n jarraitu ahal izango dute zaleek.

Bengoetxearen eta Irribarriaren aurreko urteetako finalak, 'Gure Bideoteka'n

Bestalde, eta igandean Irribarriak eta Bengoetxea VIak jokatuko duten eskuz banakako finalaren ataritan, 'Gure Bideoteka' saioak, 23:00etan, ETB1en eta eitb.eus-en, honako hiru partida hauek eskainiko dituzte: Barriolaren eta Bengoetxea VIaren arteko 2008ko buruz buruko finala; Bengoetxea VI-Irribarria iazko finalerdia eta Urrutikoetxearen eta Irribarriaren arteko iazko finala.