ETB1enn eta eitb.eus-en
Tourreko 11. etapa eta Binakako San Fermin Torneoa, gaur, zuzenean
A.A. | EITB
Olaizola II-Albisu eta Ezkurdia-Rezusta bikoteak izango dira aurrez aurre Iruñeko Labriteko partida nagusian.
Gaur, 12:55ean hasiko da Frantziako Tourreko 11. etaparen emanaldia ETB1en eta eitb.eus-en. Pirinioetara iritsi aurretik trantsizio eguna izango dute txirrindulariek: Eymet eta Paue artean 203 kilometroko ibilbidea osatu beharko dute. Fermin Aramendik, Xabier Usabiagak eta Pedro Mari Goikoetxeak kontatuko dute gertatzen den guztia.
Gauean, 22:15ean, pilota izango dugu ikusgai Iruñeko Labritetik zuzenean. Jaialdia Agirre-Iturriaga / Ugalde-Lasa IV norgehiagokarekin hasiko da. Partida nagusia Binakako San Fermin Torneokoa izango da: Olaizola II-Albisu / Ezkurdia-Rezusta. Amaitzeko, Gorka-Erostarbe eta Victor-Tainta izango dira aurrez aurre. Josetxo Lizartza eta Jokin Errasti izango ditugu berriemaile Iruñeko Labrit pilotalekutik.