Kirolak zuzenean
Tourreko 14. etapa eta Coruñako Bandera, gaur, zuzenean, ETB1en
A.A. | EiTB
12:55ean egingo dute bat Blagnac eta Rodez arteko etaparekin; Eusko Label Ligako estropadaren emanaldia, berriz, 18:00etan hasiko da.
Your browser doesn’t support HTML5 video
ETB1ek eta eitb.eus-ek 12:55ean egingo dute bat Frantziako Tourrarekin gaur. Blagnac eta Rodez arteko 181 kilometroko etapa abenturarako aproposa izango da, ibilbide gorabeheratsua izango baitu. Fermin Aramendik, Xabier Usabiagak eta Pedro Mari Goikoetxeak emango dute gertatzen den guztiaren berri.
Txirrindularitzaren ostean, 18:00etan, arrauna izango dugu ikusgai Coruñatik. Eusko Label Ligako 5. jardunaldiaren kontakizuna egingo dute Mikel Olazabalek eta Ibon Gaztañazpik zuzenean.
Bestalde, 12:00etan ETB4n eta eitb.eus-en zesta emanaldia izango dugu: Markinako Sariaren finala. Xabier Larrañaga eta Felix Espilla izango dira esatariak.