Emakumeen Saskibaloi Ligako IDK Gipuzkoa-Cadi la Seu, gaur, zuzenean

Igande goizez, ETB1en eta eitb.eus-en, 'Oreka' saioaren barruan, Emakumeen Saskibaloi Ligako IDK Gipuzkoa-Cadi la Seu partida izango da ikusgai 12:15ean. Xabier de la Fuentek eta Josean Aldalurrek egingo dute kontakizuna.

Arratsaldean, pilotari buruzko 'ETB Kantxa' saioa Soriatik egingo da. Aitor Mendizabal eta Danel Elezkano pilotarien arteko Lau T'erdiko Txapelketako kanporaketa jokatuko da hasteko, 17:00etan, eta Olaizola II-Imaz / Ezkurdia-Merino II bikoteak neurtuko dira ondoren. Xabier Euzkitze eta Joxan Tolosa izango dira esatariak.

16:00etan, herri kirolen tartean, Europako Sokatira Txapelketaren laburpena egingo du Xabier Ormazabalek.

Igandeko kirol eskaintza osatzeko, Getxoko San Nikolas Txapelketako finalak (12:00) eta zesta-puntako Donostiako sariko finala (19:30) eskainiko dugu ETB4n eta eitb.eus-en.