Kirolak
Lau T'erdiko Txapelketako partidak Iruñetik, gaur, zuzenean
A.A. | EiTB
Mendizabal III-Ezkurdia, Agirre-Bakaikoa eta Peña II-Urretabizkaia norgehiagokak izango dira ikusgai.
'ETB Kantxa' saioa Iruñeko Labrit pilotalekutik eskainiko da larunbat honetan 18:00etatik aurrera. Bertan, Lau T'erdiko Txapelketako hiru partida jokatuko dira: Mendizabal III-Ezkurdia, lehen mailan, eta Agirre-Bakaikoa eta Peña II-Urretabizkaia, promozio mailan.
Pilotaren aurretik, ohi denez, Bigarren B Mailako futbolaren tartea zabalduko dute ETB1ek eta eitb.eus-ek Gernika-Amorebieta norgehiagoka eskaintzeko.