Kirola
Caja Laboral-Asseco Prokom partida, asteazkenean, zuzenean, ETB-1en
A.H.
EITB
Euroligako bigarren jardunaldi honetan Caja Laboral taldeak bere bigarren garaipena bilatuko du talde buruan bere posizioa finkatzeko.
Asteazken honetan Caja Laboral taldeak Asseco Prokom talde poloniarraren aurka jokatuko du haien Gdynia estadioan eta Euskal Telebistak norgehiagoka zuzenean eskainiko du arratsaldeko 19:45etik aurrera. Pasa den astean Maccabi Tel Aviv taldearen aurka irabazi ondoren (94-78), bigarren garaipen bat bilatuko du talde gasteiztarrak lehiaketako Top 16 fasean talde buru mantentzeko. Xabier de la Fuente eta Josean Aldalurrek emango dute partidaren berri ETB-1en.
Zesta
Euskal Telebistako asteazkeneko kirol emanaldien artean, gainera, Gernikan jokatutako binakako zesta partida eskainiko da. Bereikua-Pradera eta Beaskoetxea-Enbil bikoteen arteko partida gaueko 23:35etik aurrera emitituko da ETB-1en Iñigo Aiestaran eta Javier Arkarazo adituen komentarioekin.