Milioi erdi ikus-entzulek baino gehiagok egin zuten bat ETBko hauteskunde gauarekin

Euskal Telebistak jarraipen berezia egin zien Kataluniako hauteskundeei ostegun gauean, eta audientziaren harrera bikaina jaso zuen.

Milioi erdi ikus-entzulek baino gehiagok egin zuten bat Xabier Garcia Ramsden, Africa Baeta eta Juan Carlos Etxeberria kazetariek gidatu zuten saio bereziarekin. 'Teleberri' albistegiaren ostean egindako saioak boto-kontaketa jarraitu zuen minutuz minutu, Bilbotik eta Bartzelonatik zuzenean. Saioak %9,2ko audientzia zatia eta 540.000 ikus-entzuleko audientzia metatua lortu zuen Euskadin eta eragin eremuan.

'Teleberri'ren aurretik, 20:00etan, ikusgai izan zen saio bereziak, %11,2ko audientzia zatia eta 240.000 ikus-entzuleko audientzia metatua lortu zituen.

ETB1en, Amaia Cayero, Xabier Usabiaga eta Saioa Martija kazetariek gidatu zuten hauteskunde gaueko saio berezia, eta %1,3ko audientzia zatia eta euskaldunen artean %4,1eko kuota bereganatu zituen. Saioak 149.000 ikus-entzuleko audientzia metatua lortu zuen Euskadin eta eragin eremuan.

eragin eremuan.