Kirolak
Binakako Txapelketa eta Bankoa-DV Torneoko finalak igandean
A.A.| EiTB
Sokatira, harrijasotzaileak eta aizkolariak ere izango ditugu.
Pilotak eta herri kirolek osatuko dute igandeko kirol eskaintza Euskal Telebistan eta eitb.eus-en.
'ETB Kantxa' saioak Binakako Txapelketako Olaizola II-Imaz / Urrutikoetxea-Aretxabaleta norgehiagoka eskainiko du, baita Artola-Erasun / Laso-Untoria partida ere, 17:00etan hasita, ETB1en. Bezperan Bilboko Bizkaia pilotalekuan jokatuko dira, eta Xabier Euzkitzek, Joxan Tolosak eta Elena Azpeitiak egingo dute kontakizuna.
Goizean, 12:00etan, Bankoa-DV Torneoko finalak izango ditugu ikusgai ETB4n. Iñigo Aiestaran eta Iñigo Irureta izango dira esatariak.
Bestalde, hiru herri kirol emanaldi izango ditugu egunean zehar ETB1en 11:00etan, Euskadiko goma gaineko sokatira txapelketa (260 y 300 kg); 12:30ean, Euskadiko harri handien txapelketa, eta 16:00etan, emakume aizkolarien Urrezko Kopa.