22:30ean
Polemikarekin jarraituko du Bernabe zalapartariak, gaur gauean, 'El Conquis'en
EITB
Saioak, gainera, aurrez ikusi ez diren lehiaketaren irudiak erakutsiko ditu, eta Isa eta Maika talde urdineko lehen bi kanporatuak platora gonbidatuko ditu.
Gaurko 'El Conquis' saioko protagonista nagusia izango da Bernabe. Felixen kontra bola kreolearen duelua galdu ostean, lehiaketan gertatutako hainbat gauza argituko ditu berriztarrak. Lagundu beharrean, bera kanporatzeko asmoz aritu al zen Delfo? Kolonbian erakutsi duen bezain zalapartaria al da berez, edo kameren aurrean protagonista izateko taktika bat izan al da? Nork agintzen du Samuluen taldean?
Horrez gain, 'El Conquis' saioak Felix, Eneko eta Delfo kanpamentuetara itzuli zireneko irudiak eskainiko ditu, eta hurrengo atalaren aurrerapena egingo du. Gainera, kanporatuak Gotzoni eta Ismari aitortutako kontuak erakutsiko ditu.
Bestalde, Isa, Isma, David eta Gotzon ohiko konkistologoak izango dira saioan, eta aste honetan Nuri, hamargarren edizioko lehiakidea, eta Alberto Guzman, telebista saioetan aditua, arituko dira beraiekin batera.
Hori guztia gutxi balitz, Isa eta Maika, talde urdineko lehen kanporatuak, Bernaberekin bilduko dira. Gainera, Humberto Gutierrez imitazio berriekin azalduko da, Joseina Etxeberriak musikarekin girotuko du saioa eta Ainhoa Etxebarriak sare sozialetako tuit onenak ekarriko ditu.
'El Conquis' asteazkenetan izaten da ikusgai, 22:30ean, ETB2n eta eitb.eus-en.