Kirolak zuzenean
Leioa-Logroñes eta Iruñeko pilota jaialdia, gaur, zuzenean, EiTBn
A.A.| EiTB
Pilotako Binakako Txapelketako bi partida jokatuko dira: Ezkurdia-Zabaleta / Elezkano II-Rezusta eta Agirre-Iturriaga / Etxeberria-Jaunarena.
Pilota eta futbola eskainiko dituzte eitb.eus-ek eta ETB1ek larunbat arratsaldean.
16:00etan hasita, futboleko Bigarren B mailako Leioa-Logroñes izango da ikusgai aurrena. 29. jardunaldiko partida emango dute Leioako Sarriena futbol zelaitik.
Ondoren, Iruñeko Labrit pilotalekuarekin egingo dute bat ETBko kamerek. Bi partida jokatuko dira bertan: Binakako Txapelketako lehen mailako Ezkurdia-Zabaleta / Elezkano II-Rezusta, lehendabizi, eta promozio mailako Agirre-Iturriaga / Etxeberria-Jaunarena, ondoren.
Miguel Soroa pilota torneoko finalak (12:00, ETB4) eta Aiztondo txirrindularitza probaren laburpena (14:00, ETB4 eta eitb.eus) izango dira ikusgai, larunbateko kirol eskaintza osatzeko.