Kirolak
Itzuliko 5. etapa eta iazko Binakako finala, gaur, ETB1en eta eitb.eus-en
A.A.| EiTB
15:00etan, zuzenean, Gasteiz-Eibar etapa izango dugu ikusgai. 22:00etan, 'Gure Bideoteka' tartean, Irribarria-Rezusta / Bengoetxea VI-Larunbe norgehiagoka.
Itzuliko tropela Muruetatik igarotzen. Argazkia: EFE
Itzulia Basque Country 2018ko 5. etapa jokatuko da gaur arratsaldean, Gasteiztik Eibarrera bitartean. 15:00etatik aurrera zuzenean izango dugu ikusgai ETB1en eta eitb.eus-en. Fermin Aramendik eta Xabier Usabiagak egingo dute zuzeneko kontakizuna, eta Alfontso Arroiok errepidetik jarraituko du lasterketa.
Gauean, 22:00etan, 'Gure Bideoteka' tartea zabalduko dute. Igandean jokatuko den Binakako Txapelketako finalaren atarian, aurreko urteetako bi final eta finalerdi bat berreskuratuko dira. Hasteko, 2013ko finala: Berasaluze II-Albisu / Irujo-Zabaleta. Ondoren, 2015eko finalerdia: Berasaluze II-Zubieta / Ezkurdia-Zabaleta. Azkenik, iazko finala: Irribarria-Rezusta / Bengoetxea VI-Larunbe.