22:30ean
Unai, talde gorriko 'ardi beltza', gaur gauean, 'El Conquis' saioan
EITB
Gonbidatuak abenturan izandako bizipenen berri emango du eta talde gorriko kideekin izandako borroka pertsonala azalduko du.
Unaik talde gorriko kideen kontrako gerra pertsonala galdu du, eta Krasiren kontrako dueluan porrot egin ostean, abenturatik kanpo geratu da. Gaurko 'El Conquis' saioan izango da gonbidatu, eta Kolonbian bizitakoaren berri emango du.
Unai taldekideekin harremanik izan gabe heldu zen bateratze fasera, baina bere taktikak ez zuen funtzionatu fase berriaren lehen batzarrean. Zein izango da Puyuii taldeko Maritxu eta Anaren jarrera Unai kanporatu dutela jakitean?
Asteazkeneko saioak, aurretik ikusi ez diren irudiak eskainiko ditu, Krasiren itzuleraren irudiak tartean, eta datorren asteko immunitate jokoaren nondik norakoak aurreratuko dituzte.
Bestalde, Isa, Isma, David, Gotzon, Carol eta Juanito ohiko solaskideekin batera, Telmo Aldaz eta Unairen bi taldekide, Edurne eta Jagoba, izango dira saioan.
Joseina Etxeberriak musika jarriko du, Ainhoa Etxeberriak sare sozialetan esaten diren kontu nabarmenenak erakutsiko ditu eta Humberto Gutierrezek imitazio berriekin harrituko ditu ikus-entzuleak.
'El Conquis del Caribe' asteazkenetan izaten da ikusgai, 22:30ean, ETB2n eta eitb.eus-en.