'El Conquistador'eko castinga: Lucia Perez Korta zuzen jartzera dator

Gaurko hautagaiaren izena Lucia Perez da.&' || 'nbsp;20 urte daramatza ezkonduta eta hiru seme-alaba ditu. Zerbait ezberdina egin nahi duelako aurkeztu da lehen aldiz castingera. Aukeratuetako bat baldin bada, Jose Luis Korta zuzen jartzen saiatuko da. Ez dauka denbora libre askorik, baina ahal duenean igeri egitera joaten da. Patagoniatik hotzari dio beldurra. Lucia edo beste hautagaiei zure puntuazioa eman diezaiokezu&' || 'nbsp;castingaren bideoaren behealdean aurkituko duzuen estekari jarraitu. Botoa ematen duzuen guztion artean laster ezagutzera emango dugun sari bikain bat zozkatuko dugu.

Egunero hautagai baten castingaren bideoa eskegiko da saioaren webgunean. Hala ere, Patagoniara joango diren 24 lehiakideen izenak ez ditugu urtarrilera arte ezagutuko. Datorren abenduaren 29an eta urtarrilaren 5ean ETB-2k saio bereziak eskainiko ditu 70 hautagaiak aurkezteko. Saioaren amaieran ezagutuko ditugu Patagoniara joango diren 24 lehiakideen izenak.

Aurten ere jende ugari izan da ''El Conquistador del Fin del Mundo''n parte hartzeko castingetan. 1.800 pertsona baino gehiago gerturatu ziren ekainean Bilbon, Donostian, Gasteizen eta Iruñean egin ziren deialdietara.