Maritxu eta kapitainak 'El Conquis'en izango dira gaur gauean

Gaur gauean, 'El Conquis' bete-betea eta bizia dator. Eneko, Gorrotxa eta Isma abenturan bizi izan duten guztia kontatzeko prest etorriko dira saiora. Ordu zoroak izan dira azkenak, batez ere talde gorriko kideentzat. Hain zuzen ere, Immunitate Jokoa galdu ondoren, azken batzarrari egin behar izan zioten aurre, Maritxu protagonista zela. Arrasaten bizi den palentziarra eta Lorea dueluan lehiatu ziren, eta 'Go!azen'eko aktorea gailendu zen azkenean.

Lorea kanpamentura iristen ikusiko dugu asteazkeneko saioan, eta Maritxu bateratze fasean berarekin ez dela egongo jakitean Anak izandako erreakzioa ikusiko dugu. Orobat, Ismak eta Gorrotxak taldekideak nola agurtu dituzten erakutsiko dute, eta baita hurrengo saioko jokoaren irudi onenak ere.

Hori guztia, ohiko solaskideekin egingo dute: Juanito, Isa, Gotzon, Isma, David, Carol eta Telmo Aldaz. Horiez gain, Jagoba, Edurne, Igor eta Irati egongo dira platoan, Maritxuri eta kapitainei buruz duten ikuspegia emateko. Joseina Etxeberriak musikaz girotuko du saioa, eta Ainhoa Etxebarriak lehiaketa osoan zehar sare sozialetan gertatzen dena errepasatuko du.

'El Conquis del Caribe' asteazkenetan izaten da ikusgai, 22:30ean, ETB2n eta eitb.eus-en.