Audientzia
'El Conquistador' audientzia buru, asteleheneko ordutegi nagusian
EITB
Abentura realityak %18,9ko audientzia zatia bereganatu zuen astelehen gauean, denboraldiko bigarren daturik altuena.
Aste honetan, 'El Conquistador del Caribe' audientzia-buru izan zen asteleheneko ordutegi nagusian %18,9ko audientzia zatiarekin. Saioak denboraldi honetan lortzen duen bigarren daturik onena da.
Hamazazpigarren atal honetan, bederatzi lehiakideek orientazio proba zailari aurre egin behar izan zioten aurre oihanean barrena, eta ondoren, Gotzonek eta Meltxorrek Jass kanporatu zuten kakoen dueluan. Ikusmin handi sortu zuen asteleheneko atalak eta 316.000 ikus-entzuleko audientzia metatua bereganatu zuen Euskadin eta eragin eremuan.
Julian Iantzik aurkeztutako saioak, halaber, oso datu onak erdietsi ditu denboraldian zehar, astelehen gauetako lidergoa mantenduz. Bataz beste, %16,1eko audientzia zatia eta 302.000 ikus-entzuleko audientzia metatua lortu ditu denboraldi honetan.