22:35EAN
'El Desafio' filma, gaur gauean, ETB2n
EITB.EUS
Benetako gertaeretan oinarritutako film honetan, New Yorkeko Dorre Bikiak banantzen dituen 50 metroak kable baten gainean zeharkatzen saiatu zen funanbulista frantses baten istorioa ikus daiteke.
Gaur gauean, El Desafío (The Walk, 2015) filma eskainiko du ETB2k. Robert Zemeckis zuzendariaren gidaritzapean egindako pelikula estatubatuarrean, besteak beste, Joseph Gordon-Levitt, Ben Kingsley, Charllote Le Bon, James Badge Dale eta Steve Valentine aktoreak ikus daitezke.
Pelikula hau Phillipe Petitek idatzitako memorietan oinarrituta dago. Funanbulista frantses bat zen, eta 1974an erronka bat jarri zion bere buruari: New Yorkeko Dorre Bikien artean zeuden 50 metroak altzairuzko kable baten gainean zeharkatzea. Erronkari ekin aurretik, datu ugari aztertu zituen: bi eraikin horien arteko bidean nolako balantza arazoak sor zitezkeen, nola eraman zitekeen kablea dorre batetik bestera, nolako segurtasun sistema zuten dorreek eta abar.
El Desafío filma astelehenean izango da ikusgai ETB2n, 22:35ean.