Portugaleteko Nazioarteko Folklore jaialdia, gaur gauean, ETB1en eta eitb.eus-en

Gaur gauean, ETB1ek eta eitb.eus-ek Portugaleteko Munduko Dantzen Jaialdiaren ekitaldi nagusia eskainiko dute 22:30etik aurrera. Ikuskizunaren kontakizuna Imanol Artolaren eta Alfredo Elgezabalen eskutik etorriko da.

Aurten, Nicaraguako Folklore Balleta, Irlandako Trim The Velvet taldea, Errusiako Ogonki Folklore taldea, Tailandiako Chanthaburi Folklore dantza taldea, Keniako African Tumbas taldea eta Panamako Folklore Balleta izango dira protagonista nagusi, Elai Alai Portugaleteko dantza taldeak antolatutako Nazioarteko Folklore Jaialdian.